I know I’m not the only one

Pa kad sam već sve obavjestila, vrijeme je da i ovdje kažem da nisam dobila nijednu stipendiju. Ne znam ni vrijedi li pisati o tome. Nisam se zaletila, znala sam da je konkurencija jaka, ali uopšte se nisam obazirala na takve stvari, željela sam da probam, i tako i bi. Ni s od stipendije, ali sam zato hvale dobila kako sam divan kandidat bla, bla. Pa što mi je niste dali ako sam tako divna? Zato što je to jedna jako ljubazna odbijenica, eto šta je.

Eto dokaza da kada uložiš 150% opet se ništa ne desi. Kada uložiš volju, trud, vrijeme, nadu, novac, znanje, sve, sve na kraju opet ništa. Opet si na nuli, opet đe si bio, šta si radio? Ništa. Nisam ja tu uložila samo godinu dana spremanja. Ja sam tu uložila četiri godine spremanja i nade. Učila sam zato što mi je motivacija bila da odem vani na master studije. Odradila sam prakse da bih otišla vani da studiram, pisala sam tekstove da bih otišla vani da studiram. Imala sam jedan veliki cilj koji sam htjela da ostvarim. Imala sam želju, imala sam životni san. I šta sad? Ništa, ništa kao i milion ljudi koji su u istoj situaciji kao ja. Znam, ja imam nešto što druga djeca neće moći imati, neće imati priliku. Znam sve, znam.

I žao mi je što je njima teško, saosjećam. Ali, trenutno želim da se izborim sa ovim što nikako nije prijatno, i daje mi osjećaj da sam sve radila uzalud. Jer ostala sam zakopana u ovoj državi iz koje nema izać’. Ostala sam u ovom gradu penzionera, ili kako volim da ga nazovem Wayward Pines. I na kraju će mi san nestati, ispariti, jer ga nikad neću ostvariti, a pisala sam o ljudima kojima su snovi umrli. Stopiću se i ja sa mediokritetom i umrijeću takva.

A, moje ambicije? Moj san najveći da odem da ga ispunim, da živim među drugim ljudima, ljepših shvatanja, modernom svijetu, modernih shvatanja će ispariti zato što nemam šanse da odem da ga ispunim. Znam da nigdje nije idealno, znam da nije savršeno, ali to nije neka prepreka za mene. Čovjek može na sve da se navikne, jer se sve isplati. Ali, evo moj se trud trenutno nije ispaltio za ono za šta sam ga namjenila, gdje će mi se drugo isplatiti. Gdje? U ovoj državi gdje ih ne zanimaju ambicija, želja, volja za učenjem, napredovanjem? Gdje ne vide potencijal, gdje ne vide ništa.

Sve sam uložila i na kraju veliko ništa. Tu sam gdje sam. Sav stres oko polaganja i pripremanja za IELTS osam mjeseci se ne broji, svo spremanje ispita sve četiri godine, plus praksa, plus IELTS koji sam shvatila kao ispit života. Gdje je sve to? Na jednom papiru i rečenici: “Pa imam položen IELTS”. Koji će mi đavo u ovoj državi, za šta će mi i taj papir koji je koštao i para i stresa? Stajaće u koverti na komodi sa svim ostalim papirima koje ću pobacati posle par godina, kad mu istekne rok.

Znam svu priču i sve savjete koji prate ovo. “Nemoj tako”, “Biće bolje” i čuvena “Ko zna zašto je to dobro” , “Možda će ti se san i ostvariti”. Znam sve. Hvala svima na dobronamjernim savjetima i rečenicama, ali meni to ništa ne pomaže trenutno. I neće mi biti lakše.

1

Published by

sowhat

You have yourself. That is enough.

4 thoughts on “I know I’m not the only one”

  1. Kod nas u Bosni inace vazi ona BBS, Bice Bolje Sutra, hoce akoBogda. Ali cekala sam dva’es godiina poslije rata da bude bolje, a to bolje jos nije doslo. Drugi dan kad sam dosla u dojcland sam pozeljela da svi ljudi mogu zivjeti u drzavi u kojoj svi imaju istu priliku. Ali hej, sad ce svi oni, vecina onih koji ne zive u zemljj haosa zvanoj Bosna pricati kako nigdje nije lako. Takve u lijepu strininu poslati, takvima pase nered koji vlada u nasoj lijepoj, takvi podrzavaju zaposljavanje po podobnosti a ne po sposobnostima i ostala sranja da izvines. Nego znas sta, moj cojek je ravnih 5 godina slao aplikacije, sam Bog zna koliko ih je poslao i koliko odbijenica je dobio, ali na kraju je uspio. Tako da ne dozvoli da te slome, budi ustrajna. Sretno!

    Prijavi komentar

    1. Apsolutno se slažem s tobom. U pravu si za Bosnu i drago mi je da ste uspjeli oboje. Uvijek mi je drago kada čujem da je neko vani uspio, vani gdje se cijeni rad, sposobnost i želja za napredovanjem. O tome ja svima pričam, ali svi mi govore teško je, teško je to sve. Jeste teško na početku, u to ne sumnjam, ali nije teže nego ovdje kad uspiješ.
      Hvala ti puno!

      Prijavi komentar

Leave a Reply

Your email address will not be published. Required fields are marked *